Mann knivstukken på gata i Bergen – kvinne mistenkt

Fleire politipatruljar er på plass i Sandviken i Bergen etter melding om ei mogleg knivstikking, melder politiet klokka 18.08. Hendinga skjedde utandørs, opplyser politiet. Ein mann og ei kvinne er involverte i hendinga. Politiet har kontroll på dei og mistenkjer kvinna for å stå bak hendinga. Mannen verkar lettare skadd. Skadeomfanget er ukjent, men personen er vaken og bevisst, skriv operasjonsleiar Bjarte Rebnord i Vest politidistrikt. Mannen blir undersøkt av ambulanse på staden, melder politiet i ei oppdatering klokka 18.20. Til NRK opplyser Rebnord at mannen har fått overflatiske rispesår og ingen djupe kutt eller stikkskader. Mannen er undersøkt av ambulansepersonell på stedet, og treng ikkje meir helsehjelp. Kvinna blir sett i varetekt. Politiet veit ikkje kva som er årsaka til hendinga og håper eventulle vitne kan kome med opplysningar.