Ein person er vaken og blir tilsett av ambulansepersonell etter ei trafikkulukke på RV. 13. – Bilbergar er rekvirert og på veg, melder politiet. Bilen står på tvers i vegen. Ingen andre personar var involvert i hendinga.

Ein personbil har trilla utfor vegen i Bendixens vei i Bergen, melder brannvesenet. Dette er ikkje langt frå Brann Stadion. Føraren er ute av bilen, men bilen ligg på halv-åtte i ei skråning, ifylgje brannvesenet. Brannvesenet har reist ut for å sikre bilen.

Ungdommane som var nedkjølte i fjellet i Modalen er kome ned att. Det opplyser politiet. Det var fredag kveld at eit turfølge på ti personar blei sittande fast i fjellet, og det blei sett i gang ein redningsaksjon. To av dei i turfølget blei henta med helikopter, medan resten tok seg inn i ei hytte med hjelp frå frivillige. Politiet opplyser at desse laurdag føremiddag var på veg ned frå fjellet. – Det er ein krevjande tur, i tillegg er det ein som har fått problem med ein ankel og ein med eit kne, ifølge operasjonsleiar Knut Dahl-Michelsen. Klokka 14.27 oppdaterer politiet at alle i turfølget har kome fram til ein veg. Dei blir køyrt til Modalen kor dei skal få tilsyn av helse. – Dei er våte og kalde, opplyser Dahl-Michelsen.

14 lokale togavgangar i Vestland er innstilte måndag, grunna togstreiken. Det opplyser Vy på sine eigne nettsider. Seks avgangar på L4 Bergen–Arna og sju avgangar på R40 Bergen–Voss/Myrdal er innstilte. Togstreiken råkar òg fleire tog i helga. Laurdag er to avgangar er innstilte på den lokale strekninga mellom Bergen og Arna, medan på søndag er 18 avgangar innstilte på same strekning.

Ein mann i 20-åra skal i natt ha trua tilsette på ein utestad i Kinn med kniv etter han blei bedt om å forlate lokalet. – Mannen trua med å stikke mannen som bad han om å gå, opplyser operasjonsleiar i politiet, Morten Rebnord. Ingen personar blei skadde. Mannen er pågripen og sett i varetekt.

Klokka 2.30 i natt rykka politiet etter melding rop om hjelp i Fyllingsdalen i Bergen. Då politiet kom fram fann dei ei skadd kvinne i ein skrent. Kvinna skal ha falle om lag åtte til ti meter ned ei skråning. Ho blei køyrt vidare til sjukehus for behandling etter smerter i bein og rygg.

Radøy tapte 1-4 da Håkon Iver Storhaug scoret to mål for NHHI 2 i 5. divisjon, Hordaland - Avdeling 1 i fotball for menn. Radøy har tapt sine tre siste kamper.

Martine Andersen Dale stod for den avgjerande skåringa for Sotra/Telavåg i 2-1-sigeren over Kvernbit på Fossemyra kunstgras 2 i J16 1. divisjon, Avdeling 1 - Haust.

Ein seglbåt trong bistand i Nordsjøen om lag 120 kilometer vest for Bømlo fredag kveld. – Det er to personar om bord, seier Steinar Vatne frå Hovudredningssentralen Sør-Noreg. Dei skal ha segla frå Shetland til Noreg og støtt på dårleg vêr når dei nærma seg norskekysten. Rundt 21.15 vende redningshelikopteret snuten heim mot Stavanger lufthavn, skriv Stavanger Aftenblad. – Vi hadde eit anna helikopter i nærleiken. Dei som var om bord har blitt plukka opp av dei, seier Steinar Vatne til avisa.

Politiet og hovudredningssentralen har starta ein redningsaksjon i Modalen. Det er for å hjelpe nedkjølte turistar i fjellet, opplyser politiet. Redningshelikopter er òg kalla ut.

Eit uthus på rundt 20 kvadratmeter brenn på Straume i Øygarden. Politiet trur at bebuaren har sett fyr på uthuset med vilje, for ei kontrollert nedbrenning. – Så blei det ikkje så kontrollert lengre, seier operasjonsleiar Bjarte Rebnord. Bebuaren er meld til politet for nedbrenninga. Det vart mykje røyk, og naboar fekk råd om å slå av ventilasjonsanlegga i husa sine. Politiet opprettar sak. I 17.40-tida dreiv brannvesenet med ettersløkking.