Vegskilt losna på rv. 555 – lange køar på staden

Ei lystavle som går over vegen har losna på rv. 555 ved Loddefjord, etter at eit køyretøy har kome borti skiltet. Begge køyrefelt mot Sotra er opne, medan eitt køyrefelt mot Bergen er stengd, melder politiet. Arbeidet med å demontere lystavla er i gang, men det er uvisst kor lang tid dette arbeidet vil ta. Vegtrafikksentralen opplyser at det er lange køar i området, men at trafikken i eit større område også er påverka. Det eine feltet er opent, men når skiltet skal demonterast, må begge felta stengast. – Trafikken forbi skadestaden går greitt, seier Tom Hansen i Vegtrafikksentralen. Han oppmodar sjåførar som ikkje må ut og reise no, om å utsette turen.