Bremanger må gi meir innsyn i risikoanalyse

Statsforvaltaren slår fast at Bremanger kommune må vurdere innsynskravet frå Folkeaksjonen mot ammoniakkfabrikk på nytt, skriv Firdaposten. Dette er andre gong Statsforvaltaren opphevar kommunen sitt vedtak om å sladde risikoanalysen (QRA) for den planlagde fabrikken på Holmaneset. Statsforvaltaren meiner kommunen ikkje har gjort ei god nok sjølvstendig vurdering, og at dei feilaktig har oversett folkeaksjonen sin rett til partsinnsyn. Bremanger kommune må no behandle saka for tredje gong.