Busshavari skaper køkaos i Damsgårdstunnelen

Ein eldre buss sperrar høgre felt i Damsgårdstunnelen mot Bergen sentrum og skaper store forseinkingar i morgonrushet. Trafikken frå vest står nesten stille fordi Vegtrafikksentralen har stengt delar av tunnelen. Trafikkoperatør Eirik Elnes oppmodar bilistar til å velje andre ruter, som til dømes Straumevegen, for å avlaste trafikken rundt Laksevåg. Ein har bestilt bilbergar til bussen, som ikkje er i rutetrafikk, men det er uvisst når køyretøyet er fjerna. Det er allereie lange køar frå både Askøy og Øygarden.