To bilar er involverte i ei trafikkulukke ved Kleppestø på Askøy. Vegen er stengd. Dei involverte, to førarar, er ute av bilane. Ifølgje politiet er begge tilsnakkandes og oppegåande. Utover det er skadeomfanget ukjent. – Det er meldt om store materielle skader, opplyser operasjonsleiar Steinar Hausvik ved Vest politidistrikt. Naudetatane er på staden.

Fylkesveg 616 i Bremanger er stengd mellom Bremanger og Ryland. Ifølgje Fjordenes Tidende har ein lastebil med gravemaskin på hengaren køyrt av vegen ved Klubbeneset. Det er uvisst kor lenge vegen blir stengd, men ifølgje Vegtrafikksentralen vil bergingsarbeidet ta noko tid.

To unge menn er sikta for forsøk på ran i Bergen i går kveld. Ifølgje politifullmektig Ane Jøraasen Olsen skal mennene ha brukt våpen i eit forsøk på å true til seg 40.000 kroner. – Det er opplyst at det er brukt våpen, og vi undersøker no dette og eventuelt kva våpen, seier Olsen. Den fornærma hadde i utgangspunktet avtala eit møte med ein av dei sikta. Dei skal ha møttest i ein bil, der det skal ha oppstått ein trusselsituasjon. Den fornærma skal ha kome seg ut av bilen på eiga hand. Dei sikta skal ikkje vere det politiet omtalar som gjengangarar i deira system. – Det er ein uavklart relasjon mellom partane, seier Olsen. Det har ikkje lukkast NRK å få kommentar frå forsvararane, Jørgen Riple og Maria Hessen Jacobsen.

Økokrim har lauslate éin av fire menn som vart fengsla etter ei storaksjon i Bergen for halvanna veke sidan. Dei fire er sikta for medverknad til grovt bedrageri av Nato for rundt elleve millionar kroner, skriv Bergens Tidende. Førstestatsadvokat Marianne Bender opplyser at det ikkje lenger er fare for bevisøydelegging for den lauslatne. Forsvarar Erik Johan Mjelde seier klienten er letta. Fengslingsfristen for dei tre andre sikta går ut torsdag, og etterforskinga vil halde fram lenge.

Økokrim legg vekk saka mot Nordic Mining og Engebø Rutile and Garnet AS om ulovleg deponering av avgangsmassar i Førdefjorden. Det opplyser førstestatsadvokat Tor Høviskeland til NRK. Det var Naturvernforbundet, Natur og Ungdom og Norske Lakseelvar som melde selskapa i slutten av juni. Økokrim meiner meldinga ikkje gjev rimeleg grunn til å starte etterforsking. – Økokrim har mellom anna lagt vekt på at saka er behandla på nytt av miljøstyresmaktene etter dommen i Høgsterett, at det er gjeve eit nytt løyve, og at miljøstyresmaktene ikkje sjølve har funne grunn til å melde tilhøvet, seier Høviskeland.

Bryggen i Bergen stenges for trafikk fra klokken 2 natt til mandag og frem til klokken 16 på ettermiddagen på grunn av varsel om høy vannstand. Brannvesenet setter opp flomvern. Meteorologisk institutt har sendt ut gult farevarsel for høy vannstand i Vestland, opplyser Bergen kommune i en pressemelding. Ved det høyeste varslede havnivået og bølgetopper kan vann renne inn på Bryggen. Området ved Skur 8 er særlig utsatt. Bergen brannvesen setter derfor ut flomvern fra klokken 2 natt til mandag. Stengningen berører både bil- og kollektivtrafikken. Kommunen oppfordrer folk til å være forsiktige langs strandsonen på grunn av høye bølger og høy vannstand, og båteiere oppfordres til å sjekke fortøyningene. (NTB)

Åsane ligg framleis på nedrykksplass, men har framleis håp om å behalde plassen i 1. divisjon etter 3-1-sigeren borte mot Moss. Vertane fekk tidleg eit raudt kort, men tok likevel leiinga. Åsane fekk den viktige utlikninga like før kvilen, og etter pause var Åsane det beste laget. No er det to kampar igjen og seks poeng å spele for. Moss og Sandnes Ulf ligg fire poeng føre på tabellen.

Sogndal sikra seg tre viktige heimepoeng i botnstriden i 1. divisjon søndag. Etter 3-1-siger mot Kongsvinger er no laget over nedrykksstreken og kvalikplass. Even Hovland, Tuomas Pippola og Kparobo Arierhi skåra for Sogndal, laget hadde ein sterk sluttspurt på kampen.

Politiet har fått melding om bil som ligg på taket utfor veg. Det er ingen personar i eller i nærleiken av bilen. Det er også usikkert når ulykka har skjedd. Politiet skriv at dei er på veg mot staden for undersøkingar.

Ein kabel som mogleg er straumførande har falle over ein buss i rute på riksveg 13 Hardangervegen ved Opelandsvegen i Voss. Det er mogleg rotvelt som er årsaka til hendinga. Ingen passasjerar er meldt skadde, dei blir no tekne ut av bussen. Politiet er på staden.

En mann ble fredag pågrepet og siktet for grov narkotikaovertredelse. Søndag ble mannen i 30-årene varetektsfengslet i fire uker med brev- og besøksforbud. – Det skal være snakk om en betydelig mengde narkotika og mistanke om salg, opplyser jourhavende Ole Vallestad Emmerhoff i Vest politidistrikt.

Stålplater på et mindre næringsbygg ved Helldalshaugen i Bergen løsnet på grunn av mye vind natt til søndag. Brannvesenet har sikret platene i løpet av natten.