Eit hotell i Bergen sentrum blei laurdag kveld evakuert grunna meldingar om røyk frå eit rom. Politiet opplyser at røyken truleg kjem frå matlaging. Brannvesenet skal undersøka at alt er under kontroll før folk får sleppa inn att på hotellet. Ingen er skadde.

To bilar er involverte i ei trafikkulukke ved Kleppestø på Askøy. Vegen er stengd. Dei involverte, to førarar, er ute av bilane. Ifølgje politiet er begge tilsnakkandes og oppegåande. Utover det er skadeomfanget ukjent. – Det er meldt om store materielle skader, opplyser operasjonsleiar Steinar Hausvik ved Vest politidistrikt. Naudetatane er på staden.

To unge menn er sikta for forsøk på ran i Bergen i går kveld. Ifølgje politifullmektig Ane Jøraasen Olsen skal mennene ha brukt våpen i eit forsøk på å true til seg 40.000 kroner. – Det er opplyst at det er brukt våpen, og vi undersøker no dette og eventuelt kva våpen, seier Olsen. Den fornærma hadde i utgangspunktet avtala eit møte med ein av dei sikta. Dei skal ha møttest i ein bil, der det skal ha oppstått ein trusselsituasjon. Den fornærma skal ha kome seg ut av bilen på eiga hand. Dei sikta skal ikkje vere det politiet omtalar som gjengangarar i deira system. – Det er ein uavklart relasjon mellom partane, seier Olsen. Det har ikkje lukkast NRK å få kommentar frå forsvararane, Jørgen Riple og Maria Hessen Jacobsen.

Politiet melder om ei trafikkulukke på Fitjarvegen i nærleiken av Hjarthammaren måndag føremiddag. Eit einsleg køyretøy har køyrt av vegen, og bilen står no plassert i grøfta. Naudetatane er på veg til ulukkesstaden etter varslinga. Den involverte personen framstår som uskadd etter utforkøyringa. Trafikken skal gli greitt forbi staden utan store forseinkingar, opplyser operasjonsleiar John Ask.

Økokrim har lauslate éin av fire menn som vart fengsla etter ei storaksjon i Bergen for halvanna veke sidan. Dei fire er sikta for medverknad til grovt bedrageri av Nato for rundt elleve millionar kroner, skriv Bergens Tidende. Førstestatsadvokat Marianne Bender opplyser at det ikkje lenger er fare for bevisøydelegging for den lauslatne. Forsvarar Erik Johan Mjelde seier klienten er letta. Fengslingsfristen for dei tre andre sikta går ut torsdag, og etterforskinga vil halde fram lenge.

Vestland er eit av fylka som vart hardast råka av helgas uvêr, med 22 innmelde skadar til Gjensidige så langt. Berre Buskerud og Akershus har registrert fleire hendingar. På landsbasis har forsikringsselskapet teke imot 178 skademeldingar, hovudsakleg etter vind og vatn som trengjer inn i bygningar. Kommunikasjonssjef Tobias Kvalvik ventar fleire meldingar dei næraste dagane når folk får undersøkt hus og hytter, og oppmodar råka om å melde frå raskt.

Økokrim legg vekk saka mot Nordic Mining og Engebø Rutile and Garnet AS om ulovleg deponering av avgangsmassar i Førdefjorden. Det opplyser førstestatsadvokat Tor Høviskeland til NRK. Det var Naturvernforbundet, Natur og Ungdom og Norske Lakseelvar som melde selskapa i slutten av juni. Økokrim meiner meldinga ikkje gjev rimeleg grunn til å starte etterforsking. – Økokrim har mellom anna lagt vekt på at saka er behandla på nytt av miljøstyresmaktene etter dommen i Høgsterett, at det er gjeve eit nytt løyve, og at miljøstyresmaktene ikkje sjølve har funne grunn til å melde tilhøvet, seier Høviskeland.

Brannvesenet har natt til mandag jobbet med å sikre Bryggen i Bergen. Det er sendt ut gult farevarsel om høy vannstand i Vestland. Vaktleder i 110-Vest, Tore Fanebust, sier de har lagt ut en flombarriere. Det er som en oppblåsbar pølse som skal hindre vannet i å komme inn over Bryggen. – Vi vet ikke hvor mye vann som kommer, men det er meldt at det kommer over kanten på Bryggen, sier han. Veien er stengt for trafikk frem til klokken 16, melder Bergen kommune. Stengningen gjelder både bil- og kollektivtrafikken. Kommunen oppfordrer folk til å være forsiktige langs strandsonen på grunn av høye bølger og høy vannstand. Båteiere oppfordres til å sjekke fortøyningene.

Bryggen i Bergen stenges for trafikk fra klokken 2 natt til mandag og frem til klokken 16 på ettermiddagen på grunn av varsel om høy vannstand. Brannvesenet setter opp flomvern. Meteorologisk institutt har sendt ut gult farevarsel for høy vannstand i Vestland, opplyser Bergen kommune i en pressemelding. Ved det høyeste varslede havnivået og bølgetopper kan vann renne inn på Bryggen. Området ved Skur 8 er særlig utsatt. Bergen brannvesen setter derfor ut flomvern fra klokken 2 natt til mandag. Stengningen berører både bil- og kollektivtrafikken. Kommunen oppfordrer folk til å være forsiktige langs strandsonen på grunn av høye bølger og høy vannstand, og båteiere oppfordres til å sjekke fortøyningene. (NTB)

Åsane ligg framleis på nedrykksplass, men har framleis håp om å behalde plassen i 1. divisjon etter 3-1-sigeren borte mot Moss. Vertane fekk tidleg eit raudt kort, men tok likevel leiinga. Åsane fekk den viktige utlikninga like før kvilen, og etter pause var Åsane det beste laget. No er det to kampar igjen og seks poeng å spele for. Moss og Sandnes Ulf ligg fire poeng føre på tabellen.

Sogndal sikra seg tre viktige heimepoeng i botnstriden i 1. divisjon søndag. Etter 3-1-siger mot Kongsvinger er no laget over nedrykksstreken og kvalikplass. Even Hovland, Tuomas Pippola og Kparobo Arierhi skåra for Sogndal, laget hadde ein sterk sluttspurt på kampen.

Sogndal sikra seg tre viktige heimepoeng i botnstriden i 1. divisjon søndag. Etter 3-1-siger mot Kongsvinger er no laget over nedrykksstreken og kvalikplass. Even Hovland, Tuomas Pippola og Kparobo Arierhi skåra for Sogndal, laget hadde ein sterk sluttspurt på kampen.